๑۞๑ النـــــــاي ๑۞๑

الساعه الآن

تعبت من الامـل ماباقـي الا قطرتيـن بكـاس

رشف منه الزمـان ولا بقـى شـيءً  يقدينـي

تعبت من الاماني مالقيـت الا طريـق  اليـاس

سكن بين الضلوع وشد وصلـه بينـه  وبينـي

سكني او سكنته ما يخالف في طـروق النـاس

مهـم انـه يقـدي خطوتـي ويسيـر  سنينـي

تعلمت المواسى والعزا دايـم عسـى  مابـاس

نطقهـا كـل مـن شافـك بعينـي يامعنيـنـي

غيابك هو غيابي لو حضوري يقطف  الانفـاس

وحضورك يعني حضوري ولو ضاعت عناويني

تعالي مسكنك عيني وصيـري للعيـون لبـاس

يقر ابك النظـر يـاوردةً مـا تطولـك يدينـي

تعالي عانقي لهفـة فـؤادي لهفـة الاحسـاس

بنكتـب للزمـن قصـة سـعـاده يامهنيـنـي

ونرسم للغلا لوحـه وتبقـى للعشـق  نبـراس

نزاحـم عـرش دافنشـي موناليـزاه تغرينـي

ابـابحر في غرامك ياغرام الحبر  والقرطـاس

وابـاسرج كل شوق لـك سكنـي او مودينـي

وحبيني مثل ماني مثـل مانـي بـدون  قيـاس

ولا تقولي ابيك فـلان او فـلان فـي  عينـي

تعالـي يابعدهـم ياخلفهـم شمعـة الـجـلاس

حضورك يغني عيوني عـن ورود  وبساتينـي

تعبت من الامل انت الامل لو قطرتيـن بكـاس

رشف مني زمانـي وانـت لدروبـي  تقدينـي

كان حنت ((....)) ((.... )) لرياض العرب

اذكرينـي بــاول العـمـر والا بـاخـره

اذكـري انـك حياتـي ياحياتـي والطلـب

ان لا يوصف عفاف الحـب نـزوه عابـره

لا تخلينـي سـوات اللـي طبيبـه مايطـب

لا دواء يضمـن شفـاه ولا تفيـده ساحـره

اه من قلتي فديتك صار في حالـي  عجـب

اعترتنـي مـن كلامـك جنـونً  كـافـره

ياعيون اللي تعلا وعارضه صلـف المهـب

اقترب وقت المغيـب ولا تجيبـه  صافـره

وصاح راعيه وا طيـري وعـود وانتحـب

من يبشرنـي بشوفـه والمطالـب  صايـره

اشقرً غالي علـى راعيـه بدروبـه  تعـب

من غـدا صـارت حياتـه حزينـه ناكـره

استبـاق لموعـد الحـزن ودروب النشـب

اعرف الحظ الاقشـر والـدروب  العاثـره

كان رحتي صحت مثله يامعينـي  بالكـرب

ثبيت عقولً طواها الوقت صـارت  حايـره

اذكري اني طلبتك كـل مـا البعـد اقتـرب

وصارت خطاي عن دربـك بعيـده هاجـره

كـان جابتـك المقاديـر لريـاض العـرب

اذكـري قربـك حيـاه وان بعـدك  آخـره